وظائف تلجرام   سناب وظائف   قروب وظائف واتس اب   انستقرام وظائف السعودية
البنك الإسلامي للتنمية يعلن برنامج المهنيين المنتهي بالتوظيف للعام 2022م (التقديم مفتوح)
البنك السعودي الفرنسي يعلن فتح باب التوظيف للجنسين حملة الدبلوم فأعلى (التقديم مفتوح)
صلة تعلن وظائف إدارية متعددة عن بعد لحديثي التخرج بمختلف مناطق المملكة (التقديم مفتوح)
غرفة الرياض تعلن 1745 وظيفة للجنسين حملة كافة المؤهلات في مختلف مناطق المملكة (التقديم مفتوح)
adsense


للنقاش .. ما رأيكم بعمل المرأه ( كاشيـرة ) في الأسواق التجاريـــة .

مع
 
ضد
 
راي اخر
 
 
 
استعرض النتائج

    مُساهمة تاريخ النشر: 28 - 04 - 2022

    المكان: default

     ابلغ عن اعلان مخالف


السلام عليكم ورحمــة الله وبركاته :.


بتناقش معكم عن موضوع لا أعلم ان كان قد نوقش في القسم من قبل أو لا .

ما رأيكم بعمل المرأه ( كاشيـــــرة ) في الأسواق التجاريـــة .

مابي احد يفهمني غلط أخواتي ...

بالنسبــة لملابس اللانجري وخدمة النساء لنا بدل من الرجال كلنـــا مرتاحين عليهــا وصرنا ناخذ راحتنا بعيدا عن الاحراج ونشتري اللي نبيه ونطلب اللي نريده بدون حرج .
والحلو في فروع اللانجري انه يمنع دخووووول الرجال .. ويسمح بدخول العوائل فقط ..يعني وحده وزوجهــا او اخوها او ابوها عادي مسموح يدخل معها .. واي رجال يدخل لحاله يطرده رجل الأمن براااا .


لكن الغرض من موضوعي هو الاسواق الأخرى يا أخوات
مثل ملابس الأطفال او ملابس النساء لللمعلوميــة بدا قرار التأنيث عليها حاليــا وفيه شركة متخصصه فيهـا .
الدخول فيهــا للشراء للرجال والنساء وليس للعوائل فقط .

كيف يدخل رجال ويطلبني مقاس او يقعد يسالني عن شي وانا لازم أرد عليــه واخدمه واحاسبه ..حتى لو كان شغل والكلام في حدود الشغل وربي يابنات احس بحرج من هالناحيه .

انا فتحت هالموضوع لكم لأني قدمت على عمل في احدى الشركات الي توظف النساء في الأسواق .
طفشت من حافز ومنتهم علينــا وبحثت عن وظائف كثير ومالقيت .. وسمعت بهالشركه وعجبني نظام ساعاتهم ورواتبهم وكنت اتوقع ان الضوابط عندهم مثل محلات الانجري لكن تفاجأت بعد المقابله بوحده من الموظفات قالت ... يابنات اللي تبي تقدم على محلات يدخلونها عوائل فقط مثل المكياج والعطور تجي بكره .؟؟؟ لان اليوم الوظائف لماركة (....) ملابس الاطفال .

انتظرت شوي ودخلت للمقابله وطلع فعلا الوظيفه اللي اختاروها لي لملابس الاطفال .
طلعت من عنده اللين رحت البيت وانا افكر بكلام الموظفه ..بصراحه يابنات شاغلني هالموضوع
ومادري عن حكمه الشرعي بأني اكون كاشيره اخدم رجال بشكل مستمر في سوق تجاري .
غير كذا اكيد بيكون بيني وبين أدارة الفرع تواصل بشكل يومي عن المبيعات و و و والله مدري كيف اشرح لكم لكن اتمنى تكونون فهمتو مقصدي .

وفيه شغله يابنات موسوسه فيها لي يومين

وش معنى سمحو للشباب بدخول الاسواق بعد قرار تأنيث الأسواق النسائية وعمل النساء في الأسواق التجاريـــة .؟؟؟؟؟

تتوقعون الليبراليـه حسبي الله عليهم لهم يد في هالموضوع ويبيون يوصلون لهدف .؟؟؟

هالموضوع طرحته للنقاش اتمنى من كل وحده تدخل تقول رأيهــا

وشكرا

هل تبحث عن وظيفة؟ اختر الخدمة التي تناسبك للحصول على آخر الوظائف:

العلاج بالعمل هو أحدث الوسائل للقضاء على الأمراض النفسية والتغلب على المشاكل التي تعترض إنسان هذا العصر.
© phpBB | Ahlamontada.com | منتدى مجاني للدعم و المساعدة | التبليغ عن محتوى مخالف | آخر المواضيع